عالمه معنا ورن آنادور آنا
انسانا دنیا ورن آنادور آنا
دنیایا عقبا ورن آنادور آنا
دیللره آوا ورن آنادور آنا
عهده وفا ادن آنادور آنا
بهشتی سرا ادن آنادور آنا
قلبه صفا ورن آنادور آنا
صلحه ندا ورن آنادور آنا
حقه صدا ورن آنادور آنا
عدله بقا ورن آنادور آنا
درده دوا ورن آنادور آنا
ایتامه شفا ورن آنادور آنا
شعره نوا ورن آنادور آنا
دنیایه حیا ورن آنادور آنا
ضعفه قوا ورن آنادور آنا
انسانه جلا ورن آنادور آنا
فقره غنا ورن آنادور آنا
خیره دعا ورن آنادور آنا
نویسنده: علی اصغر سلطانپور
